Fc.Inter Albanian
Admin
 | | Titulli: Benitez Adios Liverpul. Me Prane Stolit Zikalter (03.06.2010) Thu 3 Jun - 10:13 | |
|  Liverpool ka njoftuar të enjten se menaxheri Rafael Benitez është larguar nga klubi në marrëveshje të dyanshme, pas gjashtë viteve në detyrë. Benitez, 50 vjeç, zëvendësoi Gerard Houllierin si menaxher i Liverpoolit në qershor 2004 dhe udhëhoqi ekipin drejt triumfit në Ligën e Kampionëve në sezonin pasues.
Por, edicionin e kaluar, Liverpool u eliminua në fazën e grupeve të Ligës së Kampionëve dhe përfundoi në pozitën e shtatë në Premierligë. Drejtori Christian Purslow dhe ish menaxheri Kenny Dalglish do të fillojnë kërkimin e zëvendësuesit. Klubi ka theksuar se nuk ka caktuar afat kohor për emërimin e pasardhësit dhe nuk do të komentojë deri në arritjen e marrëveshjes për angazhimin e trajnerit të ri. Ndërsa Benitez ka thënë se është “jashtëzakonisht i mërzitur” që largohet nga klubi. “Do t’i mbaj në zemër kohërat e mira që kemi kaluar, përkrahjen e fuqishme dhe besnike të tifozëve, madje edhe në momentet më të vështira, si dhe dashurinë nga Liverpool”, tha ai për ueb faqen zyrtare të klubit.
“Nuk kam fjalë për t’ju falënderuar mjaft për gjithë këto vite dhe jam shumë krenar që isha menaxheri juaj. Ju faleminderit shumë edhe njëherë dhe gjithmonë kujtojeni: You’ll never walk alone”, u shpreh ai.
Presidenti i ri i klubit, Martin Broughton, iu falënderua Benitezit për punën e tij, por tha se ka ardhur koha për një epokë të re.
“Rafa do të mbetet përgjithmonë në historinë e Liverpoolit për shkak se solli trofeun e Ligës së Kampionëve, pas një finaleje epike në Stamboll. Mirëpo, pas një sezoni dëshpërues të dyja palët vendosën se klubit i nevojitet një fillim i ri”, deklaroi Broughton. Menaxheri i Fulhamit, Roy Hodgon, dhe ai i Aston Villas, Martin O’Neill, janë përmendur si objektivë të mundshëm për Liverpoolin.
Inter konfirmon interesimin për Benitezin
Inter ka konfirmuar interesimin për sigurimin e shërbimeve të Rafael Benitezit, pas largimit të tij nga Liverpool të enjten. Kampioni i Italisë dhe i Evropës është në kërkim të një trajneri të ri, pas largimit të Jose Mourinhos, i cili kaloi në Real Madrid.
Benitez i përshtatet Interit për shkak se udhëhoqi Liverpoolin drejt fitores ndaj rivalit të tyre të qytetit Milan në finalen e Ligës së Kampionëve 2005 në Stamboll.
“Na pëlqen Rafa Benitez dhe ai është në favor tonin prej finales në Ligën e Kampionëve në Stamboll”, tha drejtori i Interit, Gabriele Oriali, për të përditshmen sportive italiane Corriere dello Sport. | |
|
