tifo_ultras
Co-Admin
 | | Titulli: Beqiraj: U çudita nga tifozët kuqezi 28.05.2010 Fri 28 May - 7:11 | |
|  Miqësorja e 25 majit ishte mjaft e veçantë për Fatos Beqirajn. Sulmuesi kosovar, i natyralizuar si malazez, ka ndier emocione për aktivizimin përballë Shqipërisë, ndërsa nuk e fsheh zhgënjimin për trajtimin që i rezervuan tifozët kuqezinj të pranishëm në Podgoricë. “Miqësorja me Shqipërinë më dhuroi emocione të veçanta, pasi për mua kjo ishte një ndeshje speciale. Kam luajtur edhe kundër Italisë, por nuk isha ndier si në këtë rast. Kuqezinjtë fituan falë një goli të jashtëzakonshëm të Salihit, ndërsa ndeshja ishte e barabartë”, tha ai për kosovaren “Express”. Në momentin kur zhvillonte nxehjen, por edhe kur hyri në fushë, 22-vjeçari nga Peja u kontestua ashpër nga tifozët shqiptarë. Rreth kësaj çështjeje, Beqiraj shtoi: “Më ka çuditur sjellja e tifozëve kuqezinj në stadium. Gjithsesi i kuptoj përse nuk më pritën mirë, e kjo ndoshta vjen sepse janë të shumtë ata që nuk e njohin historinë time. Gjithsesi i kam përshëndetur, pasi diçka të tillë e ndieja si detyrim”. | |
|
