Pato Largohem Nga Milani Vetem Per Barcelonen (11.10.2010)

Admin

Alexandre Pato ka insistuar se klubi i vetëm për të cilin do të largohej nga Milani, është Barcelona. Sulmuesi brazilian tashmë një kohë të gjatë spekulohet me transferim në Angli, ndërsa së fundi sugjerohej se një lëvizje e tillë mund të ndodhë gjatë verës së vitit të ardhshëm.

Ish-trajneri i tij nga Milani, Carlo Ancelotti – tani në Chelsea – ka konfirmuar dëshirën e tij për transferimin e Patos në Stamford Bridge. Mirëpo, edhe menaxheri i Manchester Cityt, Roberto Mancini është i gatshëm të paraqesë ofertë për Paton.

Mirëpo, 21-vjeçari ka insistuar se nëse vendos të largohet nga Milani, do ta bënte vetëm për të kaluar te Barcelona. “Jam i nderuar nga interesimi i Manchester Cityt, por jam futbollist i Milanit dhe ndihem i lumtur këtu”, tha Pato për të përditshmen sportive italiane, Corriere dello Sport.

“Por, nëse një ditë largohem nga Milani, do të dëshiroja të bart fanellën e Barcelonës. Mendoj se do të largohesha nga Milani vetëm për Barcelonën”, përfundoi ai. Sipas mediave italiane, Barcelona tashmë ka siguruar një opsion për Paton, si pjesë e marrëveshjes që dërgoi Zlatan Ibrahimovicin në Milan gjatë verës.

» Milani në të njëjtin nivel me Barcelonën
» Pato: Milani mund ta fitojë LK
» Vetëm Messi më i mirë se Pato
» Luis Fabiano: Mund Te Largohem Nga Sevilla (15.10.2010)
» Galliani: Pato nuk është në shitje 10.06.2010