Interi e Roma po hyjnë në garën për titull (22.12.2011)

Moderator

Zikaltrit kanë përmbysur epërsinë minimale të Lecces për të fituar me rezultat prej 4-1 në takimin e zhvilluar të mërkurën në Giuseppe Meazza.
Luis Fernando Muriel i kaloi mysafirët në epërsi (20’), ndërsa Giampaolo Pazzini i barazoi shifrat (34’) dhe vendosi rezultatin e pjesës së parë.
Në gjysmën e dytë, Nerazzurët shënuan edhe tri herë, ndërsa realizues ishin Diego Milito (49’), Esteban Cambiasso (73’) dhe Ricardo Alvarez (81’).
Fitore ka shënuar edhe Roma, që me rezultat prej 2-0 e ka mposhtur Bolognan në udhëtim. Golashënues ishin Rodrigo Tadei (17’) dhe Pablo Osvaldo (40’).
Nga ana tjetër, Napoli e ka shkatërruar Genoan duke e mposhtur me rezultat 6-1 në San Paolo, ndërsa Lazio ka barazuar pa gola kundër Chievos.
Pas kësaj xhiroje, Interi në vend të pestë ka 26 pikë (tetë më pak se liderët Milan e Juventus), Napoli dhe Roma në pozitat gjashtë dhe shtatë, respektivisht, kanë nga 24 pikë (dhjetë më pak se pozita e parë), ndërsa Lazio mban pozitën e katërt në tabelë me dy pikë më pak se Udinese që gjendet e treta

» Ranieri: Interi favorit për titull (29.11.2011)
» Mision i Kompletuar,Roma jashte Interi ne Finale (11.05.2011)
» Interi avancon në garën për Vargas
» Stankovic:Interi nuk duhet përjashtuar nga lufta për titull
» Daniele Conti:Do të jetë nje lufte e madhe per titull(10.02.2011)