Zanetti: Jemi në situatë të vështirë (15.09.2011)

Anëtar

Kapiteni i Interit, Javier Zanetti, thotë se ekipi po kalon në një situatë të vështirë dhe ka kërkuar nga çdokush në klub të bashkohet dhe ata së bashku të përpiqen të rikuperohen nga zhgënjimi i hershëm i sezonit.
Ish-kampionët e Italisë dhe Evropës pësuan disfatë befasuese me rezultat 1-0 nga Trabzonspor në ndeshjen e parë të grupit B të Ligës së Kampionëve, disfatë e cila erdhi pas asaj të vikendit 4-3 nga Palermo.

“Futbolli është i përbërë nga episode. Fatkeqësisht ne nuk arritëm të shënojmë, dhe me vetëm një goditje në gol ata shënuan. E vetmja gjë që mbetet për t’u bërë është të ulim kokën dhe të punojmë”.

“Ky është një moment i vështirë; ne kemi pësuar dy disfata të cilat nuk i kemi pritur dhe as nuk i kemi merituar. E vetmja gjë për të bërë është të punojmë dhe të përqendrohemi në ndeshjen e të shtunës kundër Romës”.

“Shpresoj qe fansat të na kuptojmë. Kështu ne të gjithë do të dalim nga kjo situatë. Ne të gjithë qëndrojmë së bashku kur fitojmë, dhe duhet ta bëjmë të njëjtën gjë edhe tani”, ka thënë Zanetti.