tifo_ultras
Co-Admin
 | | Titulli: Vllezrit Hetemaj mund të luajn të 2 n`Serie A ! 04.06.2010 Fri 4 Jun - 3:17 | |
|  Mesfushori kosovar, Përparim Hetemaj, edhe në edicionin e ardhshëm do të jetë pjesë e skuadrës italiane Brescia. Këtë e ka bërë të ditur vetë 23-vjeçari Hetemaj të enjten. Ai është i bindur se në Kampionatin e ardhshëm do të gjejë hapësirë më të madhe te ekipi italian. Mesfushori me pasaportë finlandeze në miniafatin kalimtar të dimrit u transferua te Brescia nga ekipi holandez Twente. Ai te Brescia në Serie B i regjistroi vetëm tri paraqitje, ndërsa kjo skuadër aktualisht po luan në ndeshjet e plejofit për plasman në Serie A.
"Nuk dua dhe nuk e kam ndërmend të largohem nga Brescia, sepse jam shumë i kënaqur këtu dhe kjo është arsyeja kryesore që kam vendosur të qëndroj. Kam ardhur në dimër dhe natyrisht se nuk kam pasur shumë lojë, por në edicionin tjetër jam i bindur se do të jem ndër futbollistët kryesorë", është shprehur Hetemaj të enjten për gazetën. "Klubi ka besim të madh në mua dhe ka gjasa të mira që edicionin tjetër të luajmë në Serie A, pasi punët në plejof po shkojnë mirë. Personalisht shpresoj që edicionin e ardhshëm të luaj me Brescian në Serie A".
Përderisa Përparimi konfirmon qëndrimin e tij te Brescia, një gjë e njëjtë nuk mund të thuhet për vëllanë më të vogël, Mehmetin. Ky i fundit luan për ekipin tjetër të Serie B, Albinoleffe. Ai te Albinoleffe erdhi në verën e shkuar nga ekipi grek Panionios, si huazim. Mesfushori 22-vjeçar në edicionin e fundit ka luajtur në 21 ndeshje dhe ka shënuar një gol, ndërsa në adresë të tij kanë ardhur shumë oferta. Krahas asaj të Lecces dhe Lazios së fundi ka ardhur edhe një ofertë nga një ekip spanjoll i Primera Divisionit.
"Interesimi për Mehmetin është shumë i madh. Më së shumti në transferimin e tij insiston Lecce, por së fundi në garë është futur edhe një ekip spanjoll. Gjasat janë të mëdha që gjatë kësaj vere Mehmeti ta ndërrojë ekipin", ka thënë Përparim Hetemaj.
Si Përparimi, ashtu edhe Mehmeti, kanë debutuar me Përfaqësuesen A të Finlandës. | |
|
