Koreja Veriore ende pa transmetim televiziv të ndeshjeve të Botërorit 04.06.2010
Autori
Mesazh
tifo_ultras Co-Admin
Titulli: Koreja Veriore ende pa transmetim televiziv të ndeshjeve të Botërorit 04.06.2010 Fri 4 Jun - 2:59
Derisa në Korenë Jugore transmetimi i ndeshjeve nga Botërori i Afrikës së Jugut do të shikohet në teknologjinë 3D në sallat e kinemasë, në Korenë Veriore sipas të gjitha gjasave dashamirët e futbollit ndeshjet e këtij evenimenti do të detyrohen t’i shikojnë vetëm nëpërmjet internetit.... Në fakt, tash për tash duket se tensionet politike ndërmjet këtyre dy shteteve do t’ia pamundësojnë opinionit në Korenë Veriore që t’i shikojnë ndeshjet nëpërmjet ekraneve televizive. Sinjalin nga Afrika e Jugut për gadishullin aziatik e ka marrë kompania SBS (Seoul Brodcasting System), e cila nuk është e gatshme që ta ndajë këtë sinjal me shtetin fqinj. Megjithatë ditët e fundit zyrtarët e Koresë Veriore kanë bërë kërkesë për të marrë sinjalin televiziv nga SBS dhe shpresojnë në një përgjigje pozitive. Në rast se SBS përgjigjet sërish negativisht, atëherë banorëve të Koresë Veriore nuk iu mbetet tjetër, veçse ndeshjet e Botërorit t’i ndjekin nëpërmjet faqeve të ndryshme në internet, që do të ishte një hendikep i madh, pasi cilësia e transmetimit nëpërmjet internetit në të shumtën e rasteve nuk është në nivelin e duhur.
Koreja Veriore ende pa transmetim televiziv të ndeshjeve të Botërorit 04.06.2010