eN
Co-Admin
 | | Titulli: Hysi - Inter, afër realizimit (21.08.2011) Sun 21 Aug - 3:06 | |
| 
Burime të besueshme të gazetës Express brenda Hysit dhe FFK-së kanë konfirmuar se bisedimet mes kosovarëve e italianëve rreth organizimit të kësaj miqësoreje janë në fazën finale dhe se ato po zhvillohen në favor të Hysit.
Sipas këtyre burimeve, ka mbetur që vetëm Federata e Futbollit e Italisë t’ia japë dritën jeshile Interit për t’u takuar me kampionin dhe fituesin e Superkupës së Kosovës.
Nëse kjo ndodh, sipas burimeve, miqësorja do të zhvillohet në Zvicër më 3 shtator, datë e lirë për Interin, pasi FIFA këtë datë e ka lënë në dispozicion të Kombëtareve të shteteve të ndryshme.
“Inter veç është pajtuar për ta zhvilluar këtë miqësore më 3 shtator. Kjo ndeshje pritet të luhet në Gjenevë. Pra, edhe Federata e Zvicerane e Futbollit është pajtuar që kjo ndeshje të zhvillohet në territorin e vet. Ka mbetur që vetëm Federata italiane t’ia japë lejen Interit për të udhëtuar drejt Zvicrës”, ka thënë një burim i besueshëm i Expressit, i afërt me zhvillimet.
Gazeta Express qysh të hënën e kaluar ka raportuar rreth mundësisë së zhvillimit të miqësores mes llapjanëve e Zikalterve. Madje, Express kishte mësuar se drejtuesit e klubit nga Merdari ua kishin kërkuar pasaportat futbollistëve të tyre, në mënyrë që te aplikohet për nxjerrjen e vizave në Ambasadën e Zvicrës në Prishtinë. | |
|
