tifo_ultras Co-Admin
| Titulli: Hamdi Salihi,oferta nga Ukraina 29.05.2010 Sat 29 May - 6:24 | |
| Tiranë, 29 maj - Sulmuesi i Kombëtares shqiptare, Hamdi Salihi kërkohet nga një skuadër e kampionatit ukrainas. Burime pranë futbollistit të Rapidit të Vjenës së Austrisë konfirmuan se bëhet fjalë për një nga ekipet kryesore ukrainase, megjithëse nuk përmendet emri i skuadrës. Një menaxher nga Ukraina ka qenë i pranishëm në stadiumin e Podgoricës për të ndjekur miqësoren midis Malit të Zi dhe Shqipërisë më 25 maj. Në këtë ndeshje Salihi nuk ka qenë shumë aktiv, pasi Kuzhe e vendosi disi jashtë pozicionit të tij të zakonshëm. Por, arriti të shënojë një gol spektakular në pjesën e dytë, që i dha edhe fitoren kuqezinjve. Interesi për shkodranin ka lindur kohë më parë, pas sezonit të mirë që ka bërë me Rapidin e Vjenës këtë vit. Megjithatë, duket e vështirë austriakët të lënë të lirë 26-vjeçarin, sidomos pas mbylljes që i bëri sezonit me tre gola në ndeshjen e fundit. Si shkruan gazeta elektronike Start, ende nuk ka asnjë ofertë konkrete, por nëse nga Rapidi vihet një çmim i arsyeshëm, destinacioni i ardhshëm i bomberit shkodran mund të jetë Ukraina. | |
|