Salihi, Serisht Gol Me Rapidin (24.04.2011)

Admin

Futbollisti i kombëtares shqiptare, Hamdi Salihi, ka shënuar golin e parë në fitoren 3-0 të Rapidit të Vjenës ndaj Vaker Tirol. Shkodrani hapi serinë e golave në minutën e 11-të me anë të një 11-metërshi. Vjenezët kanë dominuar gjatë gjithë takimit, duke shënuar dy gola të tjerë në minutat 63 dhe 70 me sulmuesit Drazhan dhe Hofman. Hamdi Salihi ka luajtur gjatë gjithë lojës, duke mos u zëvendësuar nga trajneri. Me rrjetën e djeshme 27-vjeçari shqiptar shkon në kuotën e 15 golave në kampionatin austriak, duke qenë golashënuesi më i mirë për skuadrën e Rapidit të Vjenës.

- Elis Bakaj ka qëndruar në fushë për 83 minuta në ndeshjen Otelul-Dinamo e Bukureshtit 3-3. Sapo 23-vjeçari shqiptar ka lënë fushën, Dinamo ka shënuar dy gola, duke barazuar me kryesuesit e renditjes. - Altin Lala ka qëndruar 90 minuta në stolin e rezervave në ndeshjen Hamburg-Hanover, 0-0. Trajneri Slomka nuk ka preferuar ta hedhë në fushë shqiptarin, pasi ka menduar edhe për një fitore të mundshme.

Klodian Duro është zëvendësuar në minutën e 67-të në ndeshjen LASK Linz - Kapfenberg, 0-3. Me këtë humbje ndaj Matersburgut LASK-u thuasje siguron rënien nga kategoria.

- Armend Dallku nuk e ka diskutuar vendin e titullarit në ndeshjen Vorskla-Krivbas, 3-0, ndërsa sulmuesi Ahmed Januzi nuk ka rezultuar në fushë qoftë për disa minuta.

- Samir Ujkani ka mbrojtur për 90 minuta portën e Novarës në shtëpi me Piaçencën. Skuadra e shqiptarit ka barazuar 2-2, duke ruajtur vendin e tretë në klasifikim në Serinë B, pasi ka barazuar edhe Vareze e vendit të katërt.

- Ledian Memushaj, futbollisti i Kievos që luan në formën e huazimit te Portogruaro, ka shënuar golin e vetëm për skuadrën e tij në humbjen 1-2 me Triestinën. Portogruaro në bazë të renditjes aktuale është e rënë nga kategoria.

» Luc Castaignos Shenon Serisht (01.05.2011)
» Muntari:Mund te rikthehet serisht ne Inter 28/04/2011
» Hamdi Salihi,oferta nga Ukraina 29.05.2010
» Cor. Sport: Branca Kthehet Serisht Me Syte Nga Sanchez (20.04.2011)
» Sneijder: Interi mund ta fitoje serisht Scudetton (08.02.2011)