tifo_ultras
Co-Admin
 | | Titulli: Besnik Hasi,refuzon të drejtoj Cercle Brugge 28.05.2010 Fri 28 May - 7:36 | |
|  Prishtinë, 28 maj - Besnik Hasi ka refuzuar ofertën e zyrtarëve të klubit Cercle Brugge për të marrë drejtimin e kësaj skuadre. 38-vjeçari ishte zgjidhja e parë e Kryesisë së klubit për të zëvendësuar trajnerin Glen de Boeck që dha dorëheqjen javën e kaluar. Menjëherë pas dorëheqjes së tij, drejtuesit e Cercles kanë kontaktuar Hasin. Pas refuzimit të Hasit, Cercle për trajner ka zgjedhur Bob Peetersin. Ai është zyrtarizuar të enjten. Kosovari Hasi është ndihmëstrajner i parë në klubin më të madh belg, Anderlecht.
"Unë isha kandidati i parë për trajner të Cercles. Drejtuesit e këtij klubi më kanë kontaktuar para katër ditësh. Natyrisht, interesimi i tyre më nderon, por unë kohë më parë kam vazhduar edhe për dy vite kontratën me Anderlechtin. Për këtë arsye kam refuzuar ofertën e tyre. Kundër largimit tim eventual ishin edhe drejtuesit e Anderlechtit. Unë planifikoj që edhe dy vite të mbetem në Anderlecht në cilësinë e ndihmësit të parë e më pas të shohim. Oferta do të ketë edhe në të ardhmen. Në Anderlecht jam duke mësuar shumë", ka thënë Hasi të enjten për gazetën. Ai në Cercle e mbylli karrierën si futbollist. Për këtë skuadër luajti në edicionin 2007\\2008. Më pas iu bashkua shtabit teknik të Anderlechtit.
Hasi këtë edicion me Anderlechtin ka fituar titullin e kampionit të Belgjikës. Si futbollist ka luajtur edhe për Anderlechtin, Genkun e Lokerenin në Belgjikë. Karrierë ka bërë edhe në Gjermani, Kroaci e Kosovë.
| |
|
