Titulli: Bochumi refuzon të shesë Mavrajn 28.05.2010 Fri 28 May - 7:29
Skuadra gjermane Bochum është duke refuzuar që të shes mbrojtësin kosovar Mërgim Mavraj. 23-vjeçari Mavraj ka edhe një vit kontratë me klubin që edicionin e ardhshëm do të luajë në Bundesliga 2. Mavraj është i interesuar që të transferohet në ndonjë skuadër të Bundesligës 1. "Drejtuesit e Bochumit nuk dëshirojnë që unë të largohem. Ata po insistojnë që unë të firmos kontratë të re të vlefshme deri në vitin 2014. Para vetes kemi biseda të shumta dhe të shohim si do të rrjedhin gjërat", ka thënë Mavraj të enjten për gazetën. Mbrojtësi i qendrës në edicionin 2009\2010 regjistroi 27 paraqitje në Bundesliga 1. Bochumi kampionatin e përfundoi në pozitën e parafundit dhe kështu ra në kategorinë e dytë gjermane.
