Fc.Inter Albanian Admin
| Titulli: 100 milionë € për Zikaltrit (26.05.2010) Tue 25 May - 23:31 | |
| Triumfi në Ligën e Kampionëve e pasuroi Interin me 40 milionë euro. Gjiganti milanez ka inkasuar 18 milionë euro të tjera nga ndeshjet në Giuseppe Meazza, 6 nga sponsorët, 8 nga marrëveshjet e marketingut, ndërsa i pret 4 nga Superkupa e Evropës dhe 8 nga Kampionati Botëror i Klubeve. Në fund, edhe 16 milionë euro nëse Real Madrid e angazhon Jose Mourinhon.
Nga Express më 25.05.2010 në ora 10:46 Triumfi në Ligën e Kampionëve e pasuron Interin e Massimo Morattit me 100 milionë euro. Por, presidenti i Nerazzurrëve nuk rezervon pothuajse asgjë. Pjesa më e madhe e kësaj shume të hollave priten të shpenzohen në përmirësimin e ekipit për të konfirmuar mbizotërimin në Itali dhe Evropë.
Suksesi në Kupën kontinentale siguroi pjesëmarrjen në Kampionatin Botëror të Klubeve, ndërsa pasuroi arkën e klubit me rreth 40 milionë euro. Në Emiratet e Bashkuara Arabe, Inter do të nënshkruajë kontrata personale të marketingut, që së bashku me suksesin (e pritur) në fushë do t’i sjellin klubit së paku 8 milionë euro.
Nga Liga e Kampionëve, klubet marrim përfitimet më të mëdha nga ndeshjet në shtëpi: Inter ka fituar rreth 18 milionë euro nga gjashtë ndeshje. Afro 80 mijë tifozë dhe gati 4 milionë euro të hyra nga dy ndeshje në shtëpi kundër Barcelonës, një kundër Chelseas, përballë Rubin Kazanit (afro 50 mijë tifozë) dhe me Dinamo Kievin, 25 mijë. Më 25 gusht, Nerazzurrët takohen me Atletico Madridin në Superkupën e Evropës, ndeshje e cila sjell së paku 4 milionë euro. Inter ka përfituar 6 milionë euro nga sponsorët, ndërsa 8 të tjerë nga marrëveshjet e marketingut.
Trajneri Jose Mourinho pritet të kalojë në Real Madrid, por për transferimin e tij në Santiago Bernabeu gjiganti spanjoll duhet të paguajë dëmshpërblim prej 16 milionë eurosh për strategun portugez. Nerazzurrët gjatë këtij sezoni kanë fituar edhe Scudetton dhe Kupën e Italisë. Me këtë buxhet, Inter mund të investojë në emra të mëdhenj.
Ëndrra është Steven Gerrard, por edhe Javier Mascherano në mesfushë. Alternativa të tjera të mundshme janë: Vassiriki Abou Diaby i Arsenalit ose Bastian Schweinsteiger nga Bayern Munich.
Nëse Mario Balotelli dhe Diego Miliro mbesin në klub, Inter mund të kërkojë vetëm Edison Cavanin nga Palermo. Nëse ndonjëri prej tyre largohet, Inter do të kërkojë Gonzalo Higuainin ose Fernando Torresin. Sa i përket bankinës, aktualisht janë dy emra: Sinisa Mihajlovic dhe Fabio Capello. | |
|