Titulli: Ibrahimovic rikthehet në kombëtare Fri 16 Jul - 10:07
Zlatan Ibrahimovic ka bërë të ditur se do të rikthehet në kombëtaren suedeze, një vit pasi konfirmoi pensionimin e tij, me rastin e moskualifikimit të Suedisë në Botërorin, Afrika e Jugut 2010.
“Ajo që kam thënë gjithmonë, ka qenë se unë jam krenar që luaj për kombëtaren. Ju mund të llogarisni në mua që të jem në përbërjen e kombëtares suedeze për ndeshjen e ardhshme”. “Pas ndeshjes së fundit, kur ne nuk u kualifikuam në kombëtare, ndjeva se mu zhduk motivimi. Kështu që vendosa të dorëzohesha. Unë nuk pata dëshirë të luaj. Unë jam një garues dhe luaj për të fituar. Pas përfundimit të karrierës, ju dëshironi të kujtoheni si dikush që fitonte”, ka thënë Ibra që pritet të udhëheqë Suedinë si kapiten në kualifikimet për Euro 2012.
