tifo_ultras
Co-Admin
 | | Titulli: Lampard: Do të jap gola nga të gjitha anët 04.06.2010 Fri 4 Jun - 2:54 | |
|  Mesfushori i kombëtares së Anglisë, Frenk Lampard mendon se topi i ri kontrovers i Adidasit, do t’i mundësojë atij të shënojë gola nga çdo anë gjatë Botërorit në Afrikën e Jugut....
Topi i ri “Jabulani” është kritikuar ashpër kohët e fundit dhe atë kryesisht nga portierët, për shkak të fluturimit plotësisht të paparashikueshëm. Thuhet se topi është shumë i lehtë dhe në ajër fluturon shumë shpejtë. Ndërkohë, Lampardi nuk iu ka bashkuar futbollistëve të pakënaqur me topin, por në kampin e stërvitjeve në Austri në vazhdimësi ka gjuajtur nga distanca, në mënyrë që të ‘miqësohet’ me topin “Jabulani”. Mesfushori i Çelsit është i bindur se tash është i aftë për të shënuar gol nga çdo pozitë, për shkak të fluturimit karakteristik të ‘Jabulanit” pas goditjes nga largësia. “Topi i cili do të përdoret në Afrikën e Jugut vërtet është i paparashikueshëm. E kam studiuar fluturimin e tij gjatë përgatitjeve në Austri. Ai do të përfundoj mbi portë, atëherë kur do të shihni se po shkon në drejtim të golit, por nëse e godisni mirë, pa marrë parasysh distancën, atëherë keni gjasa të mëdha që topi të përfundojë në rrjetën e kundërshtarit. Edhe nëse nuk shënoni gol, do ta vendosni portierin kundërshtar në nj ë situatë të palakmueshme, pasi është shumë e vështirë për ta mbajtur në zotërim. Për këtë arsye jam i sigurt se gjatë Botërorit do të godas sa më shumë nga largësia”, ka thënë Lampard. | |
|
