Titulli: 183 milionë të gatshme! (03.06.2010) Wed 2 Jun - 21:17
Real Madridi nuk e ka gjithaq problem që të shpenzojë para të mëdha për të sjellë superyje në mjedisin e vet. Mediat spanjolle bënë të ditur se drejtuesit e klubit mbretëror i kanë bërë gati 183 milionë euro për të sjellë në “Santiago Bernabeu” tre superyje që po çmendin botën e futbollit.
Rooney i Manchester Unitedit, Milito e Maicon te Interit janë qe një kohë në llupën e drejtuesve të Realit. Jose Mourinho të hënën që e lamë pas është prezantuar edhe zyrtarisht si trajner i ri, por cilët nga futbollistët do t’i sjellë në Real, mbetet të shihet në ditët e ardhshme. Për Rooneyn “mbretërit” janë të gatshëm të harxhojnë 113 milionë euro, ndërsa 70 milion eurot e tjera do të kishin mjaftuar për dyshen e Interit, Maicon – Milito. Në rast se kampionët e Evropës nuk lëshojnë këtë dyshe atëherë Reali vëmendjen do ta kishte përqendruar te Fernando Torres dhe Matias Agirregaraj.
