TanInter
Co-Admin
 | | Titulli: Deschamps: Kam refuzuar Liverpoolin Tue 28 Sep - 0:41 | |
|  Trajneri i Marseille, Didier Deschamps, kishte hedhur poshtë një ofertë për të menaxhuar Liverpoolin, para se Roy Hodgson të marrë nën drejtim klubin e Ligës Premier në muajin korrik.
Deschamps, i cili rikthehet se ish-klubi i tij Chelsea për ndeshjen e Ligës së Kampionëve, ka thënë se ai kishte qenë i ngazëllyer me faktin se një klub si Liverpooli kishte dashur ta angazhojë atë.
“Jam shumë krenar që një klub i nivelit të Liverpoolit tregoi interesim në mua këtë verë. Por, të jem i sinqertë, nuk ishte koha e duhur. Unë sapo kisha filluar stërvitjet para-sezonale me Marseille dhe nuk mendoj se fansat ose zyrtarët e klubit do të ishin shumë të kënaqur nëse pas dy ditësh unë do të doja t’i bashkohesha një klubi tjetër”, ka thënë francezi.
“Ne (Deschamps dhe Liverpool) kishim takime të gjata”, ka shtuar ai kur është pyetur se sa serioze ishte oferta e klubit anglez.
Deschamps kaloi sezonin 1999-2000 me Chelsean, duke fituar Kupën FA dhe po ashtu luajti nën urdhrat e Carlo Ancelottit në kampionatin italian te Juventusi. | |
|
